Who we are

We are International Parbat Samaj

अपील
आजको आवश्यकता "प्रवासी पर्वतेहरुको एकता ,समुन्नत समृद्द पर्वत निर्माण मा हाम्रो अभियान " भन्ने मूल नाराका साथ २०१७ साल अक्टोबर १२ का दिन काठमाडौं मा अन्तर्राष्ट्रिय पर्वत समाजको स्थापना भयो । परोपकार नै धर्म हो , सेवा नै धर्म हो । मानिस सामाजिक प्राणी भएकोले समाजमा रमाउन र केही गर्न चाहन्छ । सकारात्मक सोच, परोपकारी भावना का साथ आफू जन्मेको पर्वतको माटोको मायाले पर्वतका विभिन्न  ठाउँमा विशेष गरी शिक्षा र स्वास्थ्य क्षेत्रमा सहयोग गर्ने उद्धेश्यले संस्थाले काम अगाडि बढाएको छ । यसका साथ साथै विश्वभर छरिएर  रहेका पर्वतेहरुलाई  ऐक्यबद्धता गर्ने उद्धेश्यले संस्थाले आफ्नो गतिविधि अगाडि बढाएको छ । प्रवासी पर्वतेहरुको साझा केन्द्र जो यो सामाजिक   संस्था ले पर्वत जिल्लामा धेरै परोपकारी कार्यहरू गरिसकेको छ र यो अभियान निरन्तर रही रहने छ  भने अर्को तर्फ  हामी प्रवासी पर्वतेहरुको लागि नाफामूलक र रोजगारीमुलक आयआर्जन हुने लगानी का योजनाहरु पनि पर्वत जिल्लामा विशेष सम्भ्यायता र अध्ययन गरी योजना तयार पार्ने र सवैलाई जोड्ने लक्ष्य पनि राखेको छ ।
संस्था स्थापना पश्चात संस्थाको दोश्रो र तेस्रो भव्य रूपमा अधिवेशन सम्पन्न गरी सकेको छ । यसै गरी विभिन्न देशहरुमा राष्ट्रिय देशवाइज पर्वत समाज पनि गठन भई सकेका छन । अहिलेसम्म हङकङ , जापान ,कोरिया, युयेई , कतार ,वहराइन् , नेदरल्यान्ड, स्पेन, पोर्चुगल, बेल्जियम , युके , अमेरिका लगायत देशहरुमा विधिवत रुपमा रहेका छन् र सबै पर्वत समाजहरुले अन्तराष्ट्रिय पर्वत समाज संग समन्वय गरी पर्वतमा धेरै मानविय सहयोगी कार्य सम्पन्न गरिसकेका पनि छन् ।

आगामी दिनमा अन्य देशहरूमा पनि पर्वतेहरुको साझा चौतारी संस्था पर्वत समाज गठन हुँदै जाने र लाने छौं ।
हामीलाई गर्व लाग्छ हाम्रा पर्वते दाजुभाइ दिदीबहिनीहरु प्रवासी भूमिमा सामाजिक क्षेत्र, व्यवसायिक क्षेत्र ,राजनैतिक क्षेत्रमा समेत पर्वतेहरूको नेतृत्व र जिम्मेवारी लिई सफतापूर्वक कार्य गरी सक्नु भएको र गर्दै गर्नु भएकोमा संस्थाको तर्फ बाट हार्दिक बधाइ दिन चाहन्छौं ।
अन्त्यमा हामी प्रवासमा रहेका पर्वतेहरु एकतावद्द भै समृद्ध पर्वत को अभियान लाई साकार पार्न  सबैको हालेमालोका साथ अगाडि रहेको अवस्थामा समृद्ध पर्वत हेर्ने चाहना पूरा हुने छ यही सबैमा  सबिनय  अनुरोधका साथ अपील गर्दछौं ।


झलक के सी 
अध्यक्ष
अन्तर्राष्ट्रिय पर्वत समाज

 


समृद्ध पर्वत निर्माण मा हाम्रो अभियान "